പ്രണയം
ചുറുചുറു ക്കോടെ ആ ചെറുപ്പക്കാരന് അവളുടെ അരികിലേക്ക് നടന്നു . അവളുടെ മുഖത്തേക്ക് നോക്കി അവന് ഇഷ്ടമാണെന്ന് പറഞ്ഞു . അവള് ഒന്നും മിണ്ടിയില്ല . ജീവിതത്തില് ഇന്നേവരെ പ്രണയത്തെക്കുറിച്ച് ചിന്തിചിട്ടില്ലാത്ത അവള് , ഒരു നെടുവീര്പ്പോടെ അത് കേട്ട് നിന്നു . അവള് പെട്ടെന്ന് തന്നെ അവനോടു ചോദിച്ചു , "എന്തിനാണു പ്രണയം ? " . പൊടിപ്പും തൊങ്കലും വച്ച് സാഹിത്യ ഭാഷയില് അവന് പ്രണയത്തെക്കുറിച്ച് എന്തൊക്കെയോ പറഞ്ഞു . അത് കേട്ട് അവള് നടന്നു പോയി . അന്ന് തൊട്ടു അവളുടെ ചിന്തകളില് മുഴുവനും ഒരു ചോദ്യം മാത്രമായിരുന്നു , "എന്തിനാണു പ്രണയം ? ". നാളെയും അവന് വരുമെന്ന് അവള് കരുതി . അത് സംഭവിച്ചു .അന്നും അവന് വന്നു , പഴയ പല്ലവി തന്നെ . അവള് വീണ്ടും നടന്നു നീങ്ങി . അവനെന്തുതരം നല്കണമെന്നായിരുന്നില്ല അവളുടെ മനസ്സില് . "എന്തിനാണു പ്രണയം ? " എന്നാ ചോദ്യം അവളുടെ മനസ്സിനെ വല്ലാതെ അലട്ടി . എന്നിരുന്നാലും അവന് , അവന്റെ സ്ഥിരം പല്ലവിയുമായ് അവളുടെ പുറകെ നടന്നു . അവള്ക്കൊരിക്കലും അതൊരു ശല്യമായ് തോന്നിയില്ല .
"പ്രണയം അനശ്വരമാണ് , പ്രണയബന്ധങ്ങള് ദൃഡമുള്ളവയാണ് . എന്നാല് ഇന്നത്തെ പ്രണയം വെറുമൊരു മിത്യയാണോ ? യഥാര്ത്ഥ പ്രണയിനികള് എവിടെ ? ഇന്നത്തെ പ്രണയം നാളെയുടെ സന്തോഷം അണയ്ക്കുമോ ? പ്രണയം ജീവിതത്തിനു സമ്മാനിക്കുന്നതെന്ത് ? "
വര്ഷങ്ങളേറെ കഴിഞ്ഞു . ഇന്നും അവന് , അവളുടെ പുറകെ പ്രണയാഭ്യര്ഥ്നയുമായ് നടക്കുന്നു . അവള് പോകുന്നിടങ്ങളിലെല്ലാം അവനും പോകുന്നു . അവള് പറിക്കുന്ന പൂക്കളെയെല്ലാം അവന് തലോടുന്നു . അവള് വായ്ക്കുന്ന പുസ്തകങ്ങളെല്ലാം അവന് നെഞ്ചോടു ചേര്ത്ത് വയ്ക്കുന്നു . അവളുടെ ഓര്മ്മകള് അവന്റെ സ്വപ്നങ്ങള്ക്ക് നിറം കൂട്ടുന്നു .വര്ഷങ്ങള്ക്കിപ്പുറവും അവള്ക്കു , അവളുടെ സംശയത്തിനു ഉത്തരം ലഭിച്ചിട്ടില്ല . അവള് ഇന്നും നടക്കുന്നു , പതയോരങ്ങളിലൂടെയും , പുഴക്കരയിലൂടെയും , പൂന്തോട്ടങ്ങളിലൂടെയും ,ലൈബ്രറിയുടെ ഇരുണ്ട കോറിഡോരുകളിലൂടെയൊക്കെ . പക്ഷെ അവന് അറിയുന്നില , എന്നോ അവള് , അവനെ പ്രണയിക്കാന് തുടങ്ങിയെന്നു . എന്നിരുന്നാലും ജീവിതത്തിലെ പ്രണയത്തെ അവള് മറച്ചു വയ്ക്കാന് ശ്രമിക്കുന്നു . പ്രണയത്തില് നിന്നും ഒരു " ഒളിച്ചോട്ടം " അവള് നടത്തിക്കൊണ്ടെയിരിക്കുന്നു .പക്ഷെ , അന്നും അവന് പ്രതീക്ഷയറ്റാതെ കൈകളില് ചുവന്ന റോസാ പൂക്കളുമായ് പാതയോരങ്ങളില് , അര്ക്ക രശ്മി മങ്ങി , മാഞ്ഞു പോകുന്ന സായാഹ്നങ്ങളില് , ചുണ്ടില് ഒരു മന്ദഹാസവും പൊഴിച്ച് അവള്ക്കായ് കാത്തു നില്ക്കുന്നു ....
-- കൃഷ്ണ രാജ് .എം (29/07/2011)